Les cris de Paris.

Les cris de Paris
que lon crie par chascun jour en lacdite ville. (1)
                             Seizième siècle.

LA LAICTIERE

Au matin, pour commencement,

Le crie du laict pour les nourrices, 

pour nourrir les petits enfans, 

Disant: - Ça, tost le pot, nourrice.

LE PATISSIER.

Et moy, pour un tas de frians,

Pour Gautier, Guillaume ou Michaut,

Tous les matins ie vois crians:

Eschaudez, gasteaux, pastez chaus.

LES ALLUMETTES.

Pour quelque peine que iy mette,

Denrichir ie nay pas appris; 

lay beau crier mes allumettes,

Car ilz sont a trop petit pris.

SABLON DESTAMPES.

Sablon d'Estampes a la mesure,

le vous en feray bon marché.

PIERRE NOIRE.

lay de bonne pierre noire, 

Pour pantoufle et souliers noircir.

CHARBON DU BASTEAU.

Charbon, charbon de ieune boys,

Il nest qua trois solz  le minot.

Il est en greve sur un basteau, 

Qui en voudra le vienne voir.

TERRE A LAVER.

Terre à laver pour degresser,

Ie la prens dedans les carrieres...

SEMELLE.

Semelle a bouter dans les bottes.

Ils sont bonne pour la froidure... 

LE VERRE DE PIERRE.

Gentil verre iolys.

A un liard les verre de pierre.

ANIS.

Anis fleury, mon bel anis. 

Il est bon dedans la maison.

LA VIANDE DE KARESME. HAREN SORET.

Haren sor, haren de la nuict...

CRESSON.

Pour gens desgoutez, non malades, 

lay de beau cresson  de calier...

Il n'est rien meilleur pour sallade.

SAULCE VERTE.

Vous faut il point de saulce verte?

Cest pour manger carpes et limande.

Ca qui en veut qui en demande, 

Tandis que mon pot est ouvert.

CHERVIS.

Karotte, chervis et panes

Cest viande a gens de bien.

OIGNONS.

le vends oignons et eschalotte, 

Que lon crie bon appetis.

ORENGE.

Orenge, orenge, beaux marrons,

le vendray la piece un liard.

MERLU.

Merlu, merlu, merlu,

En Karesme bonne viande.

Ca qui en veult, qui en demande,

Que quelcun me porte bon heur.

POUR LESTE ET NOUVEAU TEMPS.

A mes beaux cerneaux, a mes beaux cerneaux,

Tout cecy pour deux tournois.

CERISES.

Cerise douce, prune de Damas, 

Guigne douce en sa saison.

FOURMAGE DE BRIE.

Fourmage a la livre, 

Fourmage de Brie;

LES HERBES.

A ma belle poiree, a mes beaux espinars, 

A ma belle lectues, a ma belle ozeille,

Du persil, cerfeuil a merveille.

PETIS AULX.

Pigeons de maraiz

Donne apetis

A grans et petis

Avec beurre fraiz.

CHASTAIGNE.

Chastaigne a rostir, chastaigne;

Ilz sont bonnes aux pastez aussi,

Et font la personne engressir,

Croissant aux boys pres les montaigne.

POMME.

Pomme de capendu, capendu,

Cest la pomme la plus royalle.

Je vous la vens bonne et loyalle.

CRESME.

Fromage de cresme,

Pour manger avec des fraizette, 

Et dautre fromage en karesme,

Qui se faict de chardonnerette.

POIREAUX

A mes beaux poireaux,

Qui se cuysent en eaux,

Cest un bon potage

Avec du laictage.

CHOUX.

A mes beaux choux blancz, 

Bons sont en vendange.

La pomme a ung blanc.

Cendre.

Cendre a lavandiere, cendre a lavandiere

Ilz sont à six blancz le boisseau,

A la grande rue de sainct Marceau,

Tout aupres de la Bardodiere.

LES BABIOLLES.

Livres nouveaux,

Chansons, balades et rondeaux,

Le Passetemps Michaut, La farce du Mau marié,

la Patience des femmes

Obstinees contre leurs maris.

VOIRRE CASSEZ.

Voirre cassez, voirre cassez,

Chambrieres regardez y,

Si vous en trouvez beaucoup d'amassez, 

Vous me ferez un grand plaisir.

ESCARGOTZ.

Escargotz, les escargotz

Cest une grand viande au beurre

Avec un feu de fagotz.

COUSTEAUX ET CIZEAUX.

Les coustaux de Flandres, 

De Moulins cizeaux.

SACZ DE TOILLE.

Ce sont des sacz pour plaideurs,

Pour demandeurs et defendeurs.

Tenez pour mettre voz proces,

Il vaut deux solz sans point d'exces.

POUR LES PRISONNIERS.

Aux prisonniers du Chastelet,

Qui sont en un lieu ort et laid.

LES POURCEAUX DE L'ABBAYE SAINT-ANTOINE.

N'y a-t-il rien pour les pourceaux St-Antoine?

Chambrieres, regardez-y.

(1) Veufve jean Boufous, rue Neuue Nostre-Dame, à l'enseigne Sainct nicolas; 1545- réimpression in-8 jésus de 44 p. (Bibliothèque gothique).

Magasin pittoresque, 1877.