Translate

lundi 21 mai 2018

Les dames du temps jadis.

Les dames du temps jadis.

A Venise, au quinzième siècle
d'après Jacques Wagrez..


Nota de Célestin Mira:

Ballade des dames du temps jadis.

Dictes moy ou, n'en quel pays
Est Flora, la belle Rommaine
Archipiades, ne Thaïs
Qui fut sa cousine germaine.
Echo parlant quand bruyt on maine
Dessus rivière ou sus estan
Qui beaulté ot trop plus qu'humaine
Mais ou sont les neiges d'antan?

Où est la très sage Hellois
Pour qui chastré fut et puis moyne
Pierre Esbaillart à Saint Denis
Pour son amour ot ceste essoyne.
Semblablement, ou est la royne
Qui commanda que Buridan
Fuste geté en ung sac en Saine?
Mais ou sont les neiges d'antan?

La royne blanche comme lis
Qui chantoit à voix de seraine,
Berte au grand pié, Bietris, Alis, 
Haremburgis qui tint le Maine,
Et Jehanne la bonne Lorraine
Qu'Englois brulerent à Rouan
Ou sont ilz, Vierge souveraine?
Mais ou sont les neiges d'antan?

Rinces, n'enquerez de sepmaine
Ou elles sont, ne de cest an, 
Qu'a ce reffrain ne vous remaine
Mais ou sont les neiges d'antan?

                         François Villon.